Et par wærs om, hwodan jen godt ka blyw en bette kuon betænkle, 
nær jen no æ blywen gywt 

Den sku ku sønges o: Jyden han er stærk og sej

A æ bløwen gywt i daw
å mit hjært dee ga et slaw
:/: da a so den kjønne pie
a hår da aldrig sit hin lieg :/:

I æ kjærk a hoer so ja
xxx - såe te mæ: Do ska
:/:  Så der æ jo osse dee
te jen ka blyw nøj betænkle we :/:

Der æ jo så manne teng
der ska lawes hiel omkreng
:/:  A mi frihej hår sat te,
dee ka a godt blyw betænkle we :/:

Mon no årnlig føe a foer?
Skåehat å tusseloer,
:/:  Å så ål det ny modern
det æ a osse betænkle we :/:

Den slaws towli mad må a
da wes heller næjt å ta
:/:  Flæesk mæ gue, katofle te,
det æ a knap så betænkle we :/:

Mon mi kuen no we væer råer?
Mon hun no fåstor å spåre?
:/:  Mon mi pæng di ka slå te
dee æ a osse betænkle we :/:

Mæ min kuen no nok dee goer
vi hveranner godt fåstor
:/: Men mi swigermur  - - ja se
henn æ a møj mier betenkle we !! :/: